Papa ndërhyn për çështjen e emigrantëve dhe i bën një apel BE-së . “ Duhen shpëtuar jetë , Mesdheu është varrezë , ndoshta është varreza më e madhe”, por “Italia, kjo qeveri, nuk mund të bëjë asgjë pa një marrëveshje me Europën, përgjegjësia është europiane ”. “Çdo qeveri e Bashkimit Evropian – shtoi Bergoglio – duhet të pajtohet se sa emigrantë mund të marrë” dhe “BE duhet të marrë një politikë bashkëpunimi dhe ndihmë , nuk mund t’ia lërë Qipros, Greqisë, Italisë dhe Spanjës përgjegjësinë e të gjithë emigrantëve që mbërrijnë në plazhe”.
“Ne gjithmonë dëgjojmë me shumë vëmendje fjalët e Atit të Shenjtë që janë një paralajmërim i përhershëm për mençurinë dhe bamirësinë – është përgjigja e Kryeministres Meloni në një shënim. Sinqerisht faleminderit për inkurajimin tuaj dhe mbi të gjitha për ftesën tuaj për harmoni kombëtare dhe ndërkombëtare. Sfidat e mëdha me të cilat përballemi mund të kapërcehen vetëm duke bashkuar përpjekjet e të gjithë burrave dhe grave vullnetmirë”.
Ndërkohë në frontin e politikës së migracionit, qeveria Meloni merr duartrokitjet nga Hungaria. “Më në fund! Ne i detyrohemi një falenderimi të madh Giorgia Melonit dhe qeverisë së re italiane që mbrojti kufijtë e Evropës”, shkroi në Twitter kryeministri hungarez Viktor Orban, duke rilançuar një artikull ku merr parasysh mbylljen e pjesshme të Italisë.
