Pas fitores me Spezian, Milan shkon në transfertë me Cremonesen në mesjavë para ndeshjes së fundit para Botërorit. Për kuqezinjtë është e ndaluar të gabojnë apo të shpërqendrohen pas shortit të Champions League.
“Me Tottenham do të jenë dy ndeshje të vështira kundër një skuadre të fortë drejtuar nga një trajner që na njeh mirë – shpjegoi trajneri i kuqezinjve -. Do të jetë një sfidë e madhe, e ekuilibruar, të cilën ne duam ta luajmë me besim. Duam ta kalojmë “. ”
Zlatan në Champions League?
“Rikuperimi i tij po shkon mirë dhe vlerësimet janë të mira, por shumë gjëra mund të ndodhin nga tani deri në shkurt. Ka ende shumë kohë dhe ne duhet të qëndrojmë të fokusuar në dy ndeshjet e ardhshme në kampionat”.
Conte?
“Ai është një trajner i madh që ka fituar kudo. Ai është në gjendje t’u japë identitet dhe cilësi skuadrave të tij. Tottenham është shumë kompakt me individualitete shumë të forta, si Kane, Son, Kulusevski, Perisic. Do të jetë një sfidë magjepsëse. Një ndeshje e ekuilibruar në letër, por do të varet nga ne që të dëshmojmë se jemi në lartësinë e duhur.”
