Sergio Ramos shpresonte shumë se do ishte pjesë e Botërorit të Katarit. Trajneri i Spanjës, Luis Enrique vendosi që të mos ftonte mbrojtësin e PSG-së, duke e lënë jashtë. Zhgënjimi pas mësimit të lajmit nga Ramos duket që ka qenë i madh, kjo kuptohet nga një postim i tij në Insta.
“Sezoni i kaluar ishte i vështirë, për shkak të lëndimeve dhe përshtatjes me një klub të ri dhe një qytet tjetër. Punova me trup dhe shpirt për t’u rikuperuar dhe për t’u ndjerë sërish si vetvetja, i udhëhequr nga qëllimet dhe ëndrrat që njeriu gjithmonë i vendos vetes. Për fat të mirë, mund të them se këtë sezon ndihem sërish si vetvetja dhe shijoj futbollin, klubin tim dhe një qytet të madh si Parisi.Kupa e Botës? Sigurisht, ishte një nga ato ëndrrat e mëdha që duhej të përmbushte. Do të ishte i pesti, por fatkeqësisht do të më duhet ta shikoj nga shtëpia.
Është e vështirë, por çdo ditë dielli lind përsëri. Absolutisht asgjë nuk do të ndryshojë tek unë. As mentaliteti, as pasioni im, as këmbëngulja, as mundi dhe përkushtimi i 24 orëve duke menduar për futbollin.Kjo është ndjenja ime dhe doja ta ndaja me ju.
Faleminderit të gjithëve për dashurinë, ka shumë sfida dhe synime për të përmbushur.Shihemi së shpejti.Unë uroj të jeni mirë. Ecim Spanja!” – tha ai.
