Zyra e Kombeve të Bashkuara për të Drejtat e Njeriut (OHCHR) tha të martën (15 nëntor) se Rusia dhe Ukraina torturuan të burgosurit e luftës gjatë konfliktit gati nëntë-mujor, duke përmendur shembuj të përdorimit të goditjeve elektrike dhe lakuriqësisë së detyruar.
Një ekip monitorues i OKB-së me bazë në Ukrainë i bazoi gjetjet e tij në intervistat me më shumë se 100 të burgosur lufte nga të dyja anët e konfliktit, raporton Reuters.
Intervistat me të burgosurit ukrainas të luftës u kryen pas lirimit të tyre, pasi Rusia nuk lejoi hyrjen në vendet e paraburgimit, sipas deklaratës.
Rusia, e cila pushtoi Ukrainën më 24 shkurt, mohon torturën ose format e tjera të keqtrajtimit të të burgosurve të luftës.
Kievi tha më parë se po verifikonte të gjitha informacionet në lidhje me trajtimin e të burgosurve dhe do të hetonte çdo shkelje dhe do të merrte veprimet e duhura ligjore.
