Pronari i ri i Twitter, Elon Musk, tha se punonjësit kanë afat deri të enjten në mbrëmje për të vendosur nëse duan të mbeten pjesë e kompanisë, raporton AP.
Në një email dërguar punonjësve, Musk shkroi se punonjësit “do të duhet të jenë jashtëzakonisht kokëfortë” për të krijuar “Twitter 2.0” dhe se suksesi do të kërkojë orë të gjata pune me intensitet të lartë.
Miliarderi, i cili përfundoi blerjen e kompanisë së San Franciskos prej 44 miliardë dollarësh në fund të tetorit, tashmë ka pushuar nga puna një pjesë të madhe të punonjësve me kohë të plotë në një email të 4 nëntorit dhe po shkon drejt eliminimit të një numri të pallogaritshëm të punëve me kontratë.
Musk u kërkoi punonjësve që të klikojnë në lidhjen e dhënë në email brenda afatit të caktuar nëse duan të jenë pjesë e “Twitter-it të ri”. Ata që nuk përgjigjen në kohë do të marrin një paketë tre mujore të largimit, sipas emailit.
“Çfarëdo vendimi që të merrni, faleminderit për përpjekjet tuaja për ta bërë Twitter të suksesshëm”, shkroi Musk.
