Një 48-vjeçar me banim në Vlorë është proceduar penalisht në portin e Durrësit.
Uniformat blu raportojnë se 48-vjeçari kishte fshehur në derën e mjetit tip fugon 16 670 euro me qëllim mosdeklarimin e tyre në kufi.
Njoftimi i policisë:
Evidentohet dhe goditet një tjetër rast i mosdeklarimit të të hollave në PKK Port Durrës.
Një 48-vjeçar u proçedua penalisht pasi fshehu 16.670 euro në furgonin që drejtonte, me qëllim mosdeklarimin e tyre në PKK Port Durrës.
Shërbimet e PKK Port Durrës, në kuadër të kontrolleve të pandërprera për goditjen e paligjshmërive në kufi, në cilëndo formë të shfaqjes së tyre, bazuar në analizën e riskut dhe në kontrollet me përzgjedhje, në hyrje të RSH-së, kanë kaluar në vijën e dytë, për kontroll më të imtësishëm, automjetin furgon, me drejtues shtetasin F. V.
Gjatë kontrollit, shërbimet e Policisë gjetën të fshehura në automjetin që drejtonte ky shtetas dhe sekuestruan 16 670 euro, të padeklaruara nga 48-vjeçari, sipas përcaktimeve ligjore në fuqi.
Në përfundim të veprimeve të para hetimore, specialistët e Seksionit për Hetimin e Krimeve Ekonomiko-Financiare të DVP Durrës referuan materialet në Prokurori dhe nisi procedimi në gjendje të lirë për shtetasin F. V., 48 vjeç, banues në Vlorë, për veprën penale “Mosdeklarimi i të hollave dhe i sendeve me vlerë në kufi.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
