Rreth 30% e territorit të Ukrainës është minuar. Për sa i përket shkallës, është dyfishi i madhësisë së Austrisë.
Deklarata përkatëse u dha nga kreu i Shërbimit Shtetëror të Emergjencave, Serhiy Kruk.
Sipas tij, në zonat e çliruara të rajoneve Kherson dhe Mykolaiv, është duke u zhvilluar pastrimi aktiv i minave. Më shumë se 8,000 kilometra katrorë janë subjekt i çminimit. Prej tyre, rreth 7,000 km katrorë janë në rajonin Kherson dhe deri në 1,500 km katrorë, në rajonin e Mykolaiv.
“Në territoret e ç’pushtuara të rajoneve të përcaktuara, në bashkëpunim me administratat ushtarako-civile, po veprojnë një numër i konsiderueshëm skuadrash bombash të Shërbimit Shtetëror të Emergjencave. Po kryhen të gjitha detyrat e caktuara, kryesore prej të cilave është nisja e sistemeve të mbështetjes në jetë dhe ofrimi i ndihmës për qytetarët.Po funksionojnë njësitë e zjarrfikësve dhe të shpëtimit, në bazë të të cilave po ngrihen qendrat humanitare, nga ku shpërndahen ndihmat që vijnë në rajonin e Khersonit”, theksoi Kruk.
Një numër i konsiderueshëm i ekspertëve të shërbimit emergjent nga rajonet perëndimore u vendosën në rajonet Kherson dhe Mykolaiv. Njësitë inxhinierike dhe emergjente të shpëtimit po punojnë për të inspektuar rrugët, për të bashkëvepruar me inxhinierët e energjisë, për të çmontuar dhe inspektuar objektet që janë duke u vënë në punë.
“Shpresoj që në ditët në vijim të rikthehet furnizimi me energji elektrike në territoret e pushtuara dhe sistemet e mbështetjes për jetën do të fillojnë të funksionojnë. Do të duhen disa muaj që trupat që punojnë atje të rivendosin një jetë të plotë në rajonin e Khersonit.”, informoi Kruk.
Më 17 nëntor, në rajonin e Mykolaiv, gjatë çminimit të territoreve të çliruara, një xhenier shpërtheu në një IED.
