Pak pas orës 9 Borel ka nisur një bisedë me presidentin e Serbisë, Aleksandar Vuçiç.
Takimet e ndara do të pasohen nga një takim i përbashkët i ashtuquajtur trepalësh ndërmjet BE-së, Serbisë dhe Kosovës dhe në takim pala evropiane përveç Boreljit do të përfaqësohet nga Miroslav Lajçak, përfaqësuesi special i BE-së për dialog.
“Takim urgjent” në mes të “krizës më të rëndë që nga viti 2013”
Në një deklaratë, BE-ja vlerëson se ishte një “takim urgjent”, në mes të krizës së shkaktuar nga targat e lëshuara nga autoritetet serbe, të cilat pala kosovare i konsideron të paligjshme.
Autoritetet e Kosovës kanë bërë të ditur se nga 21 nëntori do të fillojnë të mbledhin gjoba prej 150 euro për vozitësit që nuk i kanë riregjistruar veturat e tyre në targa RKS (Republika e Kosovës). Mirëpo, policia e Kosovës ka njoftuar të dielën se nga e marta e 22 nëntorit do të nisë mbledhjen e gjobave.
Bashkimi Evropian e konsideron këtë si “krizën më serioze që nga viti 2013”.
Shefi i diplomacisë evropiane Borelj para takimit në një postim në Twitter ka shkruar se ka caktuar një “takim urgjent” me Vuçiqin dhe Kurtin.
“Ne kemi nevojë për një de-përshkallëzimin e situatës, (është e nevojshme) për të ndaluar menaxhimin e krizave të vazhdueshme dhe në vend të kësaj të bëjmë përparim në normalizimin e marrëdhënieve,” tha Borej në një postim në Twitter më 20 nëntor.
