Mediat britanike në Londër, i kanë bërë jehonë festës së Pavarësisë së Shqipërisë. ‘Daily Mail’ shkruan se shqiptarët e kanë festuar në mënyrë “të çmendur” festën e tyre, me makina Mercedez 120 mijë paund e Lamborghini 160 mijë paund.
Qindra shqiptarë dolën në rrugët e Londrës me makina fantastike gjatë natës për të festuar ditën e Pavarësisë. Fotot, videot të shpërndara në internet tregojnë Audit, Range Rovers dhe Porsche 4×4 që të gjithë ndalojnë trafikun rreth Westminsterit ndërsa oficerët e Policisë Metropolitane përpiqen të lëvizin automjetet.
Në video të ndryshme, mund të shihen burra dhe gra duke valëvitur flamurin shqiptar ndërsa varen nga xhamat e makinave të tyre, duke përfshirë një Lamborghini Huracan ngjyrë vjollce dhe një Mercedes G-Class, të cilat kushtojnë përkatësisht rreth 120,000 dhe 160,000 £.
Diku tjetër, makinat kryenin xhirime gomash ndërsa vajzat vishnin fustane tradicionale dhe kërcenin në rrugë.
Fishekzjarret e forta u lëshuan ndërsa vargu i gjatë i automjeteve u binin vazhdimisht borive për të festuar pavarësinë e Shqipërisë, e cila përkujtohet çdo vit më 28 nëntor. Kombi i vogël evropian u bë i pavarur në atë datë në vitin 1912, 110 vjet më parë.
