Këngëtarja e njohur Rozana Radi, ka spikatur gjithmonë për reagimet e saj të drejtpërdrejta. Ajo nuk nguron që të flasë në rrjetet sociale për çështjet që e shqetësojnë.
Së fundmi, Rozana ka bërë thirrje për të gjithë ata që publikojnë varret e familjarëve. Përmes një postimi në Instagram, ajo i ka kërkuar mos ta bëjnë më, pasi sipas saj, ka disa gjëra që nuk ndahen me të gjithë.
“Nuk ka gjë më të vështirë për mua kur shikoj njerëz që postojnë foto tek varret e familjarëve të tyre! Ju lutem mos e bëni! Askush nga ata që nuk jetojnë më nuk do ta donte këtë gjë! Mbajini në zemër kujtimet, dashurinë, dhimbjen. Çfarë do t’i tregoni “popullit” të Facebook dhe Instagram me këto foto?
Ka disa gjëra që nuk ndahen me të gjithë! Ndaj quhet paqe e perjetshme!”, ka shkruar Radi, duke marrë shumë konfirmime nga ndjekësit.
Kujtojmë që artistja i ka humbur të dy prindërit dhe herë pas here nuk nguron të flasë për mungesën e tyre.
