Pas eksperiencës së saj në “Love Story” këtë vit Vivien Thano është bërë pjesë e realityshow-t, “Big Brother Vip Kosova”.
Ajo është shndërruar në një nga protagonistet e shtëpisë, nga marrëdhënia e saj e afërt me njërin prej konkurrentëve. Bëhet fjalë për Andi Artanin, ish-konkurrentin e “Përputhen”.
Por me sa duket edhe pse nuk ka shumë ditë që ka nisur ky rrugëtim, pëlqimi i saj për Andin është goxha i fortë, saqë ajo pas largimit të konkurrentit ka shpërthyer në të qara.
Në fakt konkurrenti e inskenoi gjithçka, pasi ai në të vërtetë nuk do të largohej nga “Big Brother”, por Vivien u pa teksa e përjetonte shumë keq këtë. Në të vërtetë, Andi ndodhet në dhomën e sekreteve.
Por a ka nisur të ndiejë diçka Vivien?
Rikujtojmë se mëngjesin e djeshëm, ajo u ngrit nga gjumi dhe shkoi menjëherë pranë Andit, ku filloi ta puthte në shpinë. Gjithashtu ka pasur edhe përqafime të gjata mes dy banorëve.
