Sherri i parë apo një “përleshje” e thjeshtë mes të dashuruarve? Hipoteza e dytë duket të jetë më e mundshme, por pasi kaluan dorë për dore në tapetin e parë të kuq në Dubai dhe u shfaqën së bashku në qendrën teknike Trigoria, Francesco Totti dhe Noemi Bocchi patën gjithashtu debatin e tyre të parë publik.
Kjo u zbulua nga e përjavshmja “Diva e Donna”, ku të dy shfaqeshin në disa foto të realizuara gjatë një darke të organizuar në një restorant në kryeqytet. Ulur në një tavolinë për dy, ish-kapiteni i Romës dhe partnerja e tij shfaqin në një moment njëfarë tensioni.
Herë pas here diskutimi bëhet i gjallë, siç kuptohet nga gjuha e trupit të të dyve, të cilët shfaqin fytyra të vrenjtura dhe të zhytura në mendime. Ajo që e zemëron Noemin duket se është përmbajtja e një celulari, të cilin 34-vjeçarja e merr dhe e tregon disa herë gjatë darkës. Madje në njërën prej fotove ajo duket se po fshin lotët.
Mirëpo, mosmarrëveshja do të përfundonte brenda pak minutash dhe për çiftin nuk ka asnjë re në horizont. E kundërta, të dy janë gati të transferohen në apartamentin e ri, një super “penthouse” në veri të Romës, në zonën “Vigna Stelluti” ku do të kalojnë Krishtlindjet e tyre të para së bashku.
Madje, së fundi e përjavshmja “Chi” ka publikuar pamjet e zhvendosjes në “folenë” e re të dashurisë, ku Noemi së bashku me të atin mbikëqyrin transportin e disa orendive. Me pak fjalë, një debat mund të ndodhë gjithmonë me këdo, por Francesco dhe Noemi janë ende shumë të qartë në rrugën që duan të vazhdojnë së bashku.
