Kapsula Orion e agjencisë amerikane hapësinore NASA fluturoi për herë të fundit rreth Hënës mbrëmë dhe u drejtua për në Tokë dhe është planifikuar të bjerë në det pranë San Diegos të dielën.
Zyrtarët thonë se fluturimi testues tre-javor i tejkaloi pritjet, por sfida më e madhe qëndron përpara, kalimi nëpër atmosferë me më shumë se 30 herë shpejtësinë e zërit.
Kapsula, në të cilën, në vend të ekuipazhit, ka tre manekinë me sensorë për matjen e dridhjeve, rrezatimit kozmik dhe parametrave të tjerë, i është afruar hënës nga “ana e errët” e saj, e cila nuk është e dukshme nga Toka.
Kapsula fluturoi gjithashtu mbi vendet e uljes së Apollo 12 dhe 14, por në 1900 kilometra lartësi, asgjë nuk mund të dallohej që astronautët mund të kishin lënë pas gjysmë shekulli më parë.
Orion arriti në Hënë më 21 nëntor, misioni i parë që nga programi Apollo i NASA-s 50 vjet më parë.
Nëse misioni testues shkon mirë, astronautët mund të shkojnë në një fluturim rreth hënës që në vitin 2024. Nëse kjo shkon mirë, ulja në Hënë mund të pasojë në vitin 2025.
