Karriera e saj ishte e shpejtë dhe çështja e saj shkaktoi tërrmet në BE. Zëvendëspresidentja e Parlamentit Evropian, Eva Kaili, është në qendër të diskutimeve në lidhje me një skandal të prekshëm korrupsioni në lidhje me Emiratin e Gjirit të Katarit.
Arrestimi i ish moderatotes së kanalit televiziv MEGA është fundi i papritur i një rritjeje njëvjeçare. Fillimisht një lexuese e mirënjohur lajmesh në atdheun e saj grek, më vonë shpresa e partisë socialiste Pasok dhe më në fund nënkryetare e Parlamentit Evropian.
Anëtarja 44-vjeçare e Grupit Socialist në Parlamentin Europian është arrestuar të premten. Një ditë më vonë, kompetencat e saj si nënkryetare e Parlamentit u hoqën. Këtë të diel politikania greke me flokët e gjata bionde u detyrua të mbahej në paraburgim pasi prokuroria publike belge hapi hetimet për korrupsion në bandat dhe pastrim parash.
Hetuesit gjetën “thas me para” në banesën e Kailit në kryeqytetin belg. Partneri i saj, italiani Francesco Giorgi, shtatë vjet më i ri, ish-asistent parlamentar dhe specialist për të drejtat e njeriut dhe punët e jashtme, u arrestua gjithashtu. Ata janë bashkë prej pesë vitesh dhe kanë një vajzë dyvjeçare.
Eva Kaili e filloi karrierën e saj në qytetin e saj të lindjes, Selanikun, qyteti i dytë më i madh në Greqi. Në moshën 20-vjeçare, studentja e atëhershme i arkitekturës u bë këshilltare bashkie në vitin 1998. Pas diplomimit për arkitekturë, ajo studioi marrëdhëniet ndërkombëtare dhe evropiane dhe u trajnua si gazetare.
Që nga viti 2004, Kaili u bë një fytyrë e njohur për shumë grekë. Ajo filloi të prezantonte lajmet në Mega, një nga rrjetet më të mëdha televizive komerciale në vend. Në vitin 2007 ajo u zhvendos më pas në nivelin e lartë të politikës kombëtare: Kaili, atëherë 29 vjeç, u zgjodh në parlamentin grek. Ajo ishte anëtarja më e re e partisë Pasok. Në vitin 2014 ajo kaloi në Parlamentin e BE-së. Ajo ishte në gjendje të mbronte mandatin e saj në zgjedhjet evropiane të vitit 2019.
Në vendlindjen e saj, Eva Kaili është konsideruar prej vitesh si kryekryq i Pasok-ut. Herë pas here ajo u distancua nga linja e partisë. Kur qeveria në Athinë zgjidhi mosmarrëveshjen njëvjeçare të emrit me shtetin fqinj, i cili që atëherë quhet Maqedonia e Veriut, ajo shkroi në Twitter se ishte “dëm i pariparueshëm për historinë, Maqedoninë dhe grekët” – dhe kështu përfaqësonte linjën e partisë konservatore Nea Dimokratia (ND).
Në janar 2022, Kaili më pas arriti të promovohej në nivelin më të lartë të Parlamentit Evropian: Në votimin e parë, ajo u zgjodh një nga 14 nënkryetaret e Parlamentit Evropian. Kaili ishte pjesë e delegacionit të ngarkuar me forcimin e marrëdhënieve të Bashkimit Evropian me Gadishullin Arabik. Kjo është arsyeja pse ajo udhëtoi për në Katar pak para fillimit të Kupës së Botës në futboll.
Lavdërime për Katarin
Menjëherë pas fillimit të turneut, më 22 nëntor, Kaili tha në Parlamentin Evropian se Kupa e Botës ishte “provë konkrete sesi diplomacia sportive mund të çojë në një transformim historik të një vendi, reformat e të cilit kanë frymëzuar botën arabe”. Katari, i cili ka qenë nën kritika masive prej vitesh për shkak të situatës së të drejtave të njeriut në vend dhe për shkak të trajtimit të punëtorëve mysafirë në kantieret e Kupës së Botës, është “një lider në të drejtat e punës”, shtoi Kaili.
Sipas prokurorisë publike të Brukselit, hetimet për korrupsion kanë të bëjnë me dyshimin se Katari është përpjekur të ndikojë në vendimet e Parlamentit të BE-së me shuma të konsiderueshme parash dhe dhuratash.
Në vendlindjen e saj, partia e Kailit u distancua shpejt prej saj pasi u bë i njohur skandali. Që të premten, pak pasi u bë i ditur arrestimi i saj, Pasok bëri të ditur se Kaili ishte “përjashtuar nga partia”. Të shtunën, kreu i Pasok-ut, Nikos Androulakis tha se Kaili po sillej “si një kalë trojan” për ND-në konservatore, e cila aktualisht qeveris Athinën. Ai i ka bërë të ditur Kailit “se ajo nuk do të jetë më kandidate për partinë tonë në zgjedhjet e ardhshme europiane”.
