Një rast abuzimi me fëmijët po trondit Turqinë . Një 24-vjeçare tha se ishte detyruar të martohej në moshën 6-vjeçare dhe për këtë denoncoi familjen dhe ish-bashkëshortin. “Fakti që një nga fëmijët tanë ka qenë viktimë e një akti kaq të rëndë nuk mund të na lërë indiferentë dhe kërkon masa”, tha kryetari i Asamblesë së Madhe Kombëtare të Turqisë, Mustafa Sentop , raporton AGI .
Historia
– Martesa ka ndodhur kur e reja ishte 6 vjeç dhe burri i saj 29. Ky i fundit dyshohet se e ka abuzuar seksualisht menjëherë. Dy vite më parë, në vitin 2020, vajza arriti të arratisej, të zhvendosej në një qytet tjetër dhe të denonconte familjen dhe ish-bashkëshortin, nga i cili u divorcua. Gruaja solli disa prova në polici (përfshirë fotografitë e saj si nuse fëmijë). Lajmi ka dalë vetëm tani falë gazetarit Timur Soykan dhe po ndez polemika të ndryshme, duke përfshirë edhe atë në nivel politik.
Vëllazëria fetare
– Po ashtu polemikat i nxit fakti se babai dhe ish-bashkëshorti i përkasin vëllazërisë fetare ultra-konservatore Ismailaga, e cila vendos kufizime të ndryshme për gratë.
Reagime politike
– Sërish sipas raportimeve të Agit , partitë opozitare kanë akuzuar Erdoganin për afërsi me vëllazëritë fetare dhe kanë kërkuar dorëheqjen e ministrit të familjes Derya Yanik . Ata gjithashtu protestuan kundër ministrit të Brendshëm Suleyman Soylu kur ai foli në Parlament. Sipas Yanik, megjithatë, opozita për qëllime politike “abuzimi i të miturve dhe dhuna ndaj grave”.
