Djali i dy miliarderëve kanadezë ka ofruar dhe 25 milionë dollarë të tjerë shpërblim për informacion mbi vrasësin e prindërve të tij. Barry Sherman, 75 vjeç dhe Honey Sherman, 70, u gjetën të mbytur në shtëpinë e tyre në Toronto gati pesë vjet më parë dhe vrasjet e tyre mbeten ende të pazbardhura.
Familja Sherman më parë ofroi 10 milionë dollarë për të ndihmuar në arrestimin dhe dënimin e vrasësit të çiftit. Shpërblimi total për këdo që ka informacion tani shkon në 35 milionë dollarë. Ndërsa kanë kaluar vite nga ngjarja, policia nuk ka qenë në gjendje të identifikojë ende një të dyshuar.
Në janar 2018 – rreth gjashtë javë pasi u gjetën Shermans – policia tha se dyshja ishin viktima të një vrasjeje të dyfishtë dhe se të dy ishin shënjestruar. Që nga vrasja e Shermans, policia ka kryer të paktën 250 intervista të dëshmitarëve si dhe gjithashtu ka marrë 41 urdhër-arreste.
Barry Sherman ishte një nga njerëzit më të pasur të Kanadasë dhe themeluesi i kompanisë së barnave gjenerike Apotex. Ai dhe gruaja e tij, Honey, ishin filantropë të njohur që dhanë miliona për spitalet, universitetet dhe organizatat hebraike. Pasuria neto e çiftit vlerësohet të jetë midis 5 dhe 10 miliardë dollarë.
