Carlo Ancelotti brenda 24 orëve mori zyrtarisht drejtimin e Real Madrid. Trajneri Italian që rikthehet pas 6 vjetësh në Madrid, u prezantua para mediave ku foli për synimet e klubit, stilin e lojës, objektivat, merkato dhe rikthimi rrufe në Spanjë.
“Faleminderit presidentit dhe José Angel, unë jam shumë i lumtur që jam këtu, jam në shtëpi. Unë do të vë gjithë energjinë time që të jem në gjendje të përsëris atë që kemi bërë në të kaluarën. Kam kujtime shumë të mira nga eksperienca e mëparshme këtu. Mendoj se do të përsërisim diçka pozitive me këtë aventurë. Unë e di se çfarë do të thotë të jesh trajner i Real Madridit, e bëj me shumë lumturi. Do të përpiqem ta bëj punën në maksimum punëtime “.
A i nevojitet Realit një si Mbappe?
Lojtarët cilësorë të japin më shumë shanse për të fituar. E rëndësishme është të kesh një ekip që ka ekuilibër, cilësi, kapacitet për sakrificë, që di të luajë së bashku në grup … Pastaj, është e qartë se individualiteti i lojtarëve të jep diçka tjetër. Por aftësia për të luajtur së bashku është shumë e rëndësishme “
Për disa lojtarë që mund të jenë jashtë projektit:
“Unë kam afeksion për Bale, Marcelo, Isco, por mund të them vetëm se ata janë lojtarë të Realit dhe do t’i motivoj sa më mirë. Ata gjithmonë duhet të tregojnë motivim, kjo është ajo që duhet, të luajmë të bashkuar për Real Madrid”.
A mundet Lozano të arrijë te Reali?
“Unë e dua atë, por nuk mund të them nëse ai mund të jetë në këtë Real Madrid, ne do të duhet të bëjmë shumë vlerësime dhe të kuptojmë se si të lëvizim në merkato”.
Çfarë i ke kërkuar presidentit Perez?
“E pashë presidentin pak më parë, folëm pak sepse e gjitha ishte shumë shpejt. Tani do të fillojmë të punojmë dhe flasim dhe do të përpiqemi të bëjmë më të mirën për Real Madridin. Unë e falënderova presidentin, të jesh këtu është shumë e rëndësishme për mua. “
Çfarë të ardhme mund të presim?
“Carlo Ancelotti nuk është i njëjtë me gjashtë vjet më parë, unë kam gjashtë vjet më shumë, më shumë përvojë, e cila mund të jetë pozitive ose negative. Unë e gjeta veten shumë mirë te Everton, një klub familjar me të cilin jam i lidhur. Përvojat negative janë gjithashtu përvoja në të cilën mund të rritesh, dhe skuadra, në përgjithësi, është shumë e mirë. Kross, Modric, Benzema, Sergio Ramos, një grup me eksperiencë dhe me lojtarë me cilësi, si Rodrigo, Vinicius, Valverde. Skuadra është cilësore, por në detaje ne do të duhet të zvogëlojmë lojtarët dhe ne do të vendosim se si ta bëjmë atë “, u shpreh trajneri Italian Carlo Ancelotti.
/Priza.al/
