Një ‘non-papers’ i është dërguar dhëheqjes së Bashkimit Evropian i cili është përpiluar nga pesë vende të Grupit të Vishegradit dhe ekzaktësisht nga Hungaria, Polonia, Republika Çeke dhe Sllovakia, por edhe Austria.
Sipas mediave të huaja, ky dokument ka në përmbajtje të tij Ballkanin Perëndimor dhe nuk bëhet fjalë për ndryshimin e kufijve por kërkojnë që BE të përkrahë më shumë këtë rajon. Një ndër pikat që përmban letra është edhe integrimi i vendeve të Ballkanit Perëndimor në Bashkimin Europian.
Vërtetësinë e ‘non-papers’ e ka konfirmuar ministrja e Punëve të Jashtme të Bosnje-Hercegovinës, Dr. Bisera Turkovic e cila tha se ishte në dijeni të saj dhe se e shikon si një lëvizje të jashtëzakonshme që duhet përkrahur dhe i duhet dhënë zë.
“Po, ne jemi zyrtarisht të njohur dhe unë jam e kënaqur me këtë qasje. Bosnja dhe Hercegovina, si vendet e tjera në rajon, ka një perspektivë të qartë të anëtarësimit. Ne kemi qenë gjithmonë një pjesë thelbësore e Evropës, tani jemi vetëm në procesin e arritja e standardeve të përparuara evropiane në funksionimin dhe forcimin e shtetit. Me përfshirjen e këtyre pesë vendeve në bisedimet për të ardhmen e BE-së është një sinjal i rëndësishëm që ne nuk do të lihemi të presim shumë gjatë rreth përparimit drejt anëtarësimit të plotë”, vuri në dukje Turkovic.
Kjo nismë e 5 vendeve anëtare të BE-së do t’i dorëzohet udhëheqjes së Bashkimit Evropian, përfshirë Komisionin Evropian dhe Komisionerit të Zgjerimit, Oliver Varhelyi.
/Priza.al/
