Besnik Samurri është viktima i aksidentit të rëndë në Elbasan. Ai humbi kontrollin e mjetit teksa udhëtonte në aksin rrugor Samurr-Qafë Mollë dhe ra në humnerë.
38-vjeçari nuk arriti t’i mbijetojë plagëve të marra si pasojë e përplasjes dhe humbi jetën në vendngjarje.
Të plagosur kanë mbetur 3 pasagjerët, Misir Maloku, gruaja e tij Blerta Maloku dhe djali i tyre, Fatjon Maloku që ndodhen në spital në gjendje kritike për jetën.
Makina që drejtohet nga viktima është bërë copash nga përplasja, ndërsa xhamat e thyer dhe disku i gomave janë përhapur në pyllin me pisha.
