Franca ishte shumë afër titullit të saj të tretë botëror, i cili u zhduk vetëm në ruletën e penalltive, pas një përmbysjeje që dukej i pamundur. “Hat-trick” i Mbappé doli të ishte i padobishëm, por e frikësoi tmerrësisht Argjentinën, e cila mendoi se tani e kishte marrë në njërën dorë trofeun, në epërsinë 2-0 të pjesës së parë.
Kampioni i PSG-së është rikthyer në vendlindje, ku tashmë po stërvitet me klubin parizien. Në valixhen e tij ka paketuar “Këpucën e Artë” të Kupës së Botës dhe përvojën e mëtejshme si drejtues i dhomës së zhveshjes së “Les Bleus”, siç dëshmohet nga fjalimi që u mbajti bashkëlojtarëve në pushimin mes dy pjesëve të finales së 18 dhjetorit.
Le discours de Kylian Mbappé à la mi-temps de France-Argentine capté par les caméras de TF1 !
« C’est le match d’une vie, on ne peut pas faire pire ! »
— Hadrien Grenier (@hadrien_grenier) December 20, 2022
Në videon e bërë të njohur nga dokumentari “Merci les Bleus”, i realizuar nga “TF1”, Mbappé shihet duke bërë një proklamatë të përzemërt në përpjekje për të zgjuar ekipin, fjalë për fjalë i tronditur nga loja dominuese e Argjentinës në pjesën e parë.
“Është finalja e Kupës së Botës, ndeshja e jetës sonë. Nuk mund të bëjmë më keq se kjo. Kaq mjafton djema. Ata shënuan dy gola, ajo që është bërë është bërë. Le të kthehemi në fushë dhe të mos mashtrojmë veten. Le të vendosim intensitet në duele, të bëjmë diçka. Rimëkëmbja e disavantazhit është e mundur. Mos harroni se Botërori luhet çdo katër vite, djema!”
Më pas fjalën e mori Didier Deschamps. Këto “kushtrime” ndikuan në rikuperimin e rezultatit nga 2-0 në 2-2 dhe madje flirtuan me triumfin, por nga pika e bardhë gabuan dy herë, duke dorëzuar kurorën e kampionit të botës tek argjentinasit.
