Dmitry Rogozin, ish-zëvendës presidenti i qeverisë ruse dhe ish-kreu i agjencisë shtetërore të hapësirës Roskosmos, u plagos në sulmin ukrainas në Donetsk, një bastion i separatistëve pro-rusë në Ukrainën lindore, dhe ka nevojë për operacion.
Rogozin shkroi për këtë në Telegram dhe deklaroi se ai pësoi një dëmtim të shpinës dhe copëza të vendosura mbi tehun e sipërm të shpatullës.
Ai u rrëzua nga posti i kreut të Roscosmos në korrik dhe aktualisht drejton një grup këshilltarësh ushtarakë që ndihmojnë forcat separatiste në Ukrainë.
Ngjarja ndodhi më 21 dhjetor në një hotel në Donetsk ku qëndronin Rogozin dhe disa zyrtarë lokalë.
Sulmi ukrainas në të cilin u vranë dhe u plagosën disa njerëz u krye me municion me precizion të lartë dhe raketa me gjasë u qëllua nga një kamion i pajisur me sistemin e artilerisë franceze Cezar, njoftoi Komiteti Hetimor Rus.
Rogozin tha se incidenti ndodhi ndërsa ai ishte në një “takim pune” në restorantin e hotelit dhe transmetuesi publik rus Russia 24 thotë se ish-kreu i Roscosmos po festonte ditëlindjen e tij të 59-të atje më 21 dhjetor, me të ftuar dhe muzikantë.
Televizioni transmetoi pamje të tavolinave të përmbysura në sallën e restorantit me xhama të thyer dhe mure pjesërisht të shembur.
Rogozin tha se muajt e fundit ai qëndron rregullisht në atë hotel kur shkon në Donetsk, si pjesë e ofensivës ruse në Ukrainë.
