Ylli portugez pritet t’i thotë “po” propozimit të sheikëve, ndërsa firma mund të hidhet brenda këtij viti. Ata parashikojnë një Ronaldo në fushë deri 40 vjeç dhe ambasador deri 45. Dëshira e tij ishte të gjente një skuadër për të konkuruar në nivele të larta në Evropë, por kjo me sa duket është e pamundur, pasi në tavolinë nuk ka asnjë ofertë konkrete sipas agjentit të tij historik, Jorge Mendez.
Shifrat për të cilat flitet janë me të vërtetë të pa rezistueshme qoftë dhe për një lojtar si Ronaldo. E gjithë marrëveshja, e cila parashikon që deri në 2025 të luaj futboll, ndërsa nga 2025 deri në 2030 të bëj rolin e ambasadorit shkon në 1 miliardë euro përfitime.
Arabia Saudite shpreson të fitoj të drejtën për të organizuar Botërorin në 2030, së bashku me Egjiptin dhe Greqinë dhe një rol të rëndësishëm për këtë pritet të ketë edhe CR7, për të promovuar Arabinë Saudite.
Për momentin CR7 ndodhet në Doha, aty ku po shijon disa ditë pushime pasi u stërvit për një periudhë të shkurtër me Real Madrid.
