Këngëtarja e njohur Dafina Zeqiri ka shpërthyer në rrjetet sociale kundër make-up artistit Arbër Bytyqi. Ajo ka ndarë në ‘Instastory’ një foto që ai kishte publikuar në profilin e tij, krahas së cilës këngëtarja i kërkon publikisht që të mos publikojë më foto të saj, pasi nuk punojnë më bashkë.
Ndër të tjera ajo e cilëson Bytyqin si gënjeshtar dhe njeri fallco.
“Arbër Rrenc (Gënjeshtar) Bytyqi Mua! Boll postove foto të mijat shumë të edituara. Në përgjithësi. Ne nuk punojmë bashkë! Ti e di shumë mirë pse! Ti je një nga njerëzit më fallco në industri! Një gënjeshtar! Boll më postove. Nuk e bëj zakonisht këtë por dreqin! Je një sociopat!”- thuhet në postimin e plotë të Dafinës.
Kujtojmë se pas bashkëpunimit të titulluar “Luje belin” dy këngëtaret Dafina Zeqiri dhe Kida, duket se nuk e kanë ndërmend ta lënë me kaq, madje e kanë gati bashkëpunimin e radhës.
Kimia midis Kidës dhe Dafinës do të “shkrihet” në një tjetër projekt muzikor që do të vijë më shpejt nga sa e prisni. Gjatë kësaj kohe dyshja kanë realizuar edhe një sërë koncertesh së bashku duke dhuruar një atmosferë elektrizuese për fansat e tyre.
Së fundmi, gjatë një postimi në rrjetin social Instagram, Kida ka njoftuar se ditën e nesërme në orën 20:00 do të publikohet bashkëpunimi i tyre.
https://www.instagram.com/p/CmgpEj1IxOz/
