Shtetet e Bashkuara të Amerikës janë prekur nga një i ftohtë polar ditët e fundit. Cikloni që ka përfshirë jugperëndimin e vendit ka shkaktuar rreth 15 viktima. Sakaq, 40 automjete janë përplasur me njëra-tjetrën në një aksident masiv, i cili rezultoi në 4 humbje jete.
Autoritetet kanë raportuar temperatura në deri -30 gradë në disa zona, duke i bërë këto Krishtlindje, më të ftohtat në 80 vite. Stuhia ka lënë miliona persona pa energji elektrike. Përveç reshjeve të dëborës, ka patur edhe përmbytje në zonat pranë Boston-it. Qytetarët janë këshilluar të qëndrojnë në shtëpi.
