Aktivistët në Iran denoncojnë një tjetër abuzim nga agjentët e regjimit. Lajmi për vdekjen në ditën e Krishtlindjeve të një vajze 12-vjeçare Saha Etebari po qarkullonte në rrjetet sociale pasi agjentët e regjimit hapën zjarr ndaj makinës me të cilën ajo po udhëtonte me prindërit e saj në provincën e Hormozganit. Lajmi u mor edhe nga gazetarë të pavarur në Iran.
Rindërtimet e qarkulluara në Twitter nga disa aktivistë zbulojnë zemërimin dhe hutimin për fatin e vajzës së vogël, e cila do të ishte goditur në një postbllok dhe më pas do të kishte vdekur në spital para se të arrinte në sallën e operacionit. Babai i Sahas u detyrua të thoshte në një video se vrasja e vajzës së tij nuk lidhet në asnjë mënyrë me protestat, ndërsa fotografia e Sahës – sy të zinj, vello të bardhë dhe libër të hapur në duar – tashmë është virale në rrjetet sociale. Më shumë se 500 demonstrues janë vrarë që nga fillimi i protestave, duke përfshirë 69 të mitur dhe adoleshentë.
Një histori shqetësuese, edhe më shumë se ajo e ish-futbollistit Daei, i cili cituar nga Iran International tha se familja e tij ishte “detyruar” të zbriste nga avioni me të cilin po udhëtonte , një fluturim Mahan Air, W563 që u nis nga Teherani dhe u detyrua të zbriste në ishullin Kish, por nuk u arrestua. Irani është një fuçi baruti me protesta që po vazhdojnë për mbi 100 ditë që kur operativët e regjimit vranë 22-vjeçaren Mahsa Aminipër mosmbajtjen e duhur të hixhabit. Muajt e fundit, veshja e hixhabit ka qenë një temë shumë e diskutueshme në Iran. Shumë qytetarë iranianë fajësuan për vdekjen e Aminit policinë e diskutueshme të moralit, duke pretenduar se autoritetet e goditën atë në kokë gjatë marrjes në pyetje.
Grave pa hixhab u mohohen shërbimet në provincën lindore të Iranit dhe vija e ashpër mbi “moralin” nga autoritetet e Teheranit vazhdon. Të gjitha objektet në provincën lindore iraniane të Khorasanit Jugor nuk lejohen më të ofrojnë shërbime për gratë që nuk mbajnë hixhab. Kështu ka thënë zëvendësguvernatori i provincës Seyed Mohammad Reza Talebi. “Asnjë objekt, universitet, bankë, kompani në provincën e Khorasanit Jugor nuk është i autorizuar të ofrojë shërbime për gratë pa hixhab.
