Autoriteti Kombëtar i Ushqimit ka bllokuar 566 kilogramë mish në një ‘fast food’ në Tiranë. Sipas kontrollit të kryer, ai qëndronte dhe përpunohej në kushte të papërshtatshme higjeno-sanitare.
Pronarit të subjektit iu vendos masa administrative “gjobë” më vlerë 500 mijë lekë. Produkti i bllokuar do t’i nënshtrohet analizave mikrobiologjike.
Njoftimi:
Autoriteti Kombëtar i Ushqimit vijon kryerjen e kontrolleve me qëllim garantimin e shëndetit të konsumatorëve në këtë prag festash të ndërrimit të viteve.
Nga kontrolli i kryer në subjektin “V. Gj.”, me aktivitetit fast food, Tiranë, u konstatua se produkti gjiro përpunohej në kushte të papërshtashme higjieno – sanitare.
Si rrjedhojë nga ana e trupës inspektuese u bë bllokimi i këtij ambienti, ndaj subjektit u vendos masë administrative “gjobë” me vlerë 500’000 lekë, si dhe u bllokua sasia prej 566 kg produkt gjiro për të cilat u krye marrje mostre për t’u analizuar për treguesit mikrobiologjik.
