Një aksident ka ndodhur mbrëmjen e sotme në qytetin e Bulqizës. Sipas informacionit paraprak nga policia, shtetasi 24-vjeçar me inicialet S.T. ka humbur jetën, pasi automjeti me të cilin po udhëtonte ka dalë nga rruga.
Njoftimi:
Në aksin rrugor Bulqizë-Maqellarë, shtetasi S.T., 24 vjeç, duke drejtuar automjetin tip ‘Fiat-punto’, ka humbur kontrollin mbi drejtimin e automjetit duke dalë nga rruga, ku për pasojë ka humbur jetën.
Grupi hetimor vijon hetimet për zbardhjen e shkaqeve të aksidentit.
