Është shkrumbuar plotësisht autobuzi i linjës Tiranë-Skrapar. Ngjarja ka ndodhur në rrethrrotullimin e Savrës në Lushnjë. Drejtuesi i automjetit pasi ka vënë re tymin në motor ka ndaluar dhe ka nxjerrë jashtë pasagjerët së bashku me bagazhet e tyre.
Bëhet me dije se autobusi i përket linjës së udhëtimit Tiranë-Skrapar, ndërsa bëhet me dije se zjarri dyshohet se ka ndodhur si pasojë e një shkëndije elektrike në pjesën e motorrit.
Sakaq, bëhet me dije se nuk ka njerëz të plagosur pasi shoferi ka nxjerrë jashtë mjetit menjëherë pasagjerët pasi ka parë tymin.
Njoftimi i policisë:
Rreth orës 14:40, në vendin e quajtur “Rotondo e Savrës”, dyshohet se si pasojë e një shkëndije elektrike në pjesën e motorrit, ka marrë flakë gjatë lëvizjes, automjeti tip autobus, me drejtues shtetasin A. T.
Nuk ka dëme në njerëz.
Grupi hetimor po punon për zbardhjen e shkakut të rënies së zjarrit.
