Më 2 janar, presidentja e Komisionit Evropian Ursula von der Leyen konfirmoi mbështetjen e Bashkimit Evropian (BE) për Ukrainën “për aq kohë sa duhet” në luftën e nisur nga Rusia më 24 shkurt 2022.
Pas bisedës së saj të parë telefonike në vitin 2023 me presidentin ukrainas Volodymyr Zelensky, Von der Leyen shkroi në Twitter: “Unë i kam përcjellë popullit ukrainas mbështetjen time me gjithë zemër dhe urimet më të mira për vitin 2023”. “BE qëndron pranë jush, për aq kohë sa duhet”, shtoi ajo.
In the 1st call of the new year with President @ZelenskyyUa, I conveyed my wholehearted support and best wishes for 2023 to the Ukrainian people.
The EU stands by you, for as long as it takes.
We support your heroic struggle.
A fight for freedom and against brutal aggression. pic.twitter.com/sKZKilUpDg
— Ursula von der Leyen (@vonderleyen) January 2, 2023
Von der Leyen e ka vizituar Kievin disa herë që kur dhjetëra mijëra trupa ruse kaluan kufirin e Ukrainës nga Rusia dhe Bjellorusia në fund të shkurtit 2022. Sulmi u prit me një mbrojtje të vendosur ukrainase të territorit të saj dhe sanksione të paprecedentë ndërkombëtare kundër Moskës.
“Ne mbështesim luftën tuaj heroike,” i shkroi ajo presidentit të Komisionit Evropian, duke e përshkruar atë si “një luftë për liri kundër agresionit brutal”.
Ajo përmendi vazhdimin e “ndihmës së fortë financiare” për Ukrainën dhe tha se shpërndarja e paketës së mbështetjes prej 18 miliardë euro do të fillojë “së shpejti”.
Ajo tha gjithashtu se përpjekjet e ndihmës këtë dimër do të përfshijnë “gjeneratorë, llamba, strehimore dhe autobusë shkollorë”.
Von der Leyen tha se mezi priste të takohej sërish me Zelenskyn “së shpejti në Ukrainë”.
