Në spitalet e mbipopulluara në një nga qytetet më të pasura të Kinës , pacientët e moshuar po mbingarkojnë shërbimet e urgjencës. Situata shëndetësore është veçanërisht kritike. Që nga muaji i kaluar, rreth 70% e popullsisë, ose rreth 18 milionë njerëz , janë infektuar me virusin , sipas mediave zyrtare. Në dy spitale në megacity, qindra janë lidhur me IV ose rezervuarë oksigjeni dhe po i nënshtrohen monitorëve të zemrës. Disa pacientë, thonë dëshmitarët, duken të pajetë. Të tjerët trajtohen jashtë godinës, në trotuar.
Edhe autoritetet tani pranojnë se shtrirja e shpërthimit është “e pamundur” për t’u përcaktuar, pasi testet e shqyrtimit nuk janë më të detyrueshme dhe të dhënat janë të paqarta. S’kaloi shumë, sistemi shëndetësor u mbyt fjalë për fjalë, me farmacitë të përmbytura nga kërkesat për ilaçe kundër temperaturës dhe krematoriumet të përmbytura nga fluksi i të vdekurve.
Ndërkohë, teksa autoritetet rishikuan kriteret për atribuimin e një vdekjeje ndaj Covid-it, vetëm 15 vdekje të lidhura me virusin janë raportuar në vendin prej 1.4 miliardë banorësh që nga fillimi i dhjetorit. Një figurë që duket absolutisht jashtë realitetit.
Për dimensionet e frikshme të infeksionit në Shangai flet Chen Ezhen, nënkryetar i spitalit Ruijin dhe anëtar i këshillit bashkiak të ekspertëve të Covid-it, në një intervistë me bordin e “Dajiangdong Studio” të “People’s Daily” të partisë komuniste. “Tani përhapja e pandemisë në Shangai është shumë e gjerë – tha ai -, 70% mund të jetë arritur. Po flasim për 20 ose 30 herë infeksionet në prill dhe maj”. Rritja e infeksioneve erdhi pas lehtësimit të kufizimeve drakoniane kundër virusit, të cilat mbetën në fuqi në të gjithë vendin deri në muajin e kaluar.
