Akoma e mbuluar me mister vrasja e Caroline Crouch, nënës 20 vjeçare në Greqi. Një nga çështjet e shumëpërfolura jo vetëm në vendin fqinj. Duket se një tjetër pistë e kësaj ngjarje ka dalë në dritë, pasi në shiritin izolues janë gjetur gjurmët e ADN-së së bashkëshortit të të resë.
Mediat vendase bëjnë me dije se në dëshminë e tij, ai ka thënë se ua dha autorëve për ta lidhur, nën kërcënimin e një arme pasi ata nuk kishin me vete. Ndërkohë kamerat në zonë nuk tregonin automjetin e arratisjes së autorëve, ndërsa as përshkrimi i 32-vjeçarit nuk i ka ndihmuar efektivët e policisë për zbulimin e autorëve.
Gjithashtu në vëmendje të autoriteteve greke është dhe gruaja që u paraqit si psikologia e 20 vjeçares Eleni Mylonopoulou, e cila kishte fituar besimin e Caroline dhe kishte zbuluar shumë detaje të jetës së 20-vjeçares. Oficerët e EL.AS theksojnë se kjo zonjë është një “objekt hetimi” dhe është një “person që është me interes për autoritetet dhe duhet të hetohet”.
Ndër të tjera bëhet me dije se policia po heton mundësinë e informacionit të brendshëm të autorëve të grabitjes dhe vrasjes së Caroline 20-vjeçare për gjendjen financiare të familjes. Në këtë kontekst, ata do të hetojnë nëse gruaja në fjalë ka dhënë pa dashje disa informacione të rëndësishme, të cilat mund të kenë përfunduar tek autorët. Shoqata e Psikologëve Grekë i kërkon Znj. Mylonopoulou të paraqesë brenda dy ditësh gradën e Psikologjisë dhe licencën.
Ndërkohë kujtojmë se ngjarja e rëndë ka ndodhur disa javë më parë në Greqi, ku tre persona, të cilët shkuan për të grabitur një shtëpi në Greqi, përfunduan duke vrarë 20-vjeçaren britanike, qenin e familjes dhe duke torturuar bashkëshortin e të resë. 20-vjeçarja u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit. Ishte ai që njoftoi Policinë duke i rënë telefonit me hundë, por bashkëshortja kishte ndërruar jetë prej kohësh.
‘Grabitja në 2018 dhe vrasja e Caroline Crouch’
Sipas mediave greke, mund të ketë një lidhje mes vrasjes së Carolinës dhe një grabitje të ndodhur më 2018, ku rastësisht personi i sulmuar është koleg me bashkëshortin pilot të Caroline.
Mënyra se si vepruan të tre kriminelët ishte e njëjtë me atë të grabitësve në Glyka Nera. Të shokuar, dy miqtë dhe pilotët gjetën gjuhën e përbashkët në përshkrim, veçanërisht të udhëheqësit. Ai ishte rreth 1.70, me trup, me një qafë të shkurtër dhe një fytyrë të rrumbullakët. Sytë e tij ishin kafe, fliste mirë greqisht, por përmendte edhe fjalë shqipe.
Të tre autorët e dy grabitjeve ishin rreth 35 vjeç. Ata nuk lanë gjurmë të ADN-së dhe gjurmëve të gishtërinjve në të dy shtëpitë. Traineri nuk e konsideron rastësi që ai dhe burri i Caroline, ishin aktivë në aeroportin e Megara-s.
“Ata bënë të njëjtën gjë me gruan time dhe me Caroline. Udhëheqësi sulmoi gruan time si dhe Caroline. Ata i mbyllën hundën dhe gojën dhe bërtitën “vrisni plakën” Ajo është për mrekulli e gjallë. Ai më tha “puna jonë është të grabisim dhe të vrasim”, tha ai i tronditur.”-dëshmoi Babis.
Viktima e kësaj grabitjeje brutale, e cila u krye në Alepochori natën e 17 korrikut 2018, u përmend gjithashtu në precedentët që kishin autorët. Ata ishin fshehur në një vilë fqinje dhe po shikonin lëvizjet e çiftit.
“Ata e dinin kur do t’i mbyllnim grilat. Ata erdhën nga e djathta dhe u zhvendosën në vende të padukshme në errësirë. Pasi më morën 1100 euro nga pantallonat, ata kërkuan më shumë para. Ata u larguan kur gjetën bizhuteritë. Ata abuzuan me qenin për ta imobilizuar.”- tha ai.
Dëshmia e gruas së tij, e cila u plagos rëndë nga sulmi i tre grabitësve të paskrupullt, është e tmerrshme. Ajo nuk hezitoi të tërhiqte maskën e udhëheqësit të grupit dhe të shihte fytyrën e tij. Kjo lëvizje e guximshme e tërboi udhëheqësin.
“Fillova të bërtas dhe të thërras për ndihmë. Ata më mbyllën gojën, më hodhën poshtë divanit dhe më tërhoqën zvarrë për dymbëdhjetë metra. Aty më rrahën me goditje në trup dhe fytyrë. Kam kaluar njëzet e dy ditë në KAT e plagosur rëndë. Do të kisha vdekur nga gjakderdhja nëse burri im, i cili arriti të çlirohej, nuk do të më kishte shpëtuar. Pas sulmit, ne lëvizim me një buton alarmi”, 0 përfundoi ajo.
Ngjarja e rëndë ku humbi jetën Caroline ka ndodhur në Greqi, pak javë më parë ku tre persona shkuan për të grabitur shtëpinë e çiftit. 20-vjeçarja u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32 vjeç ishte i lidhur në një karrige në dhomën e gjumit.
/Burimi Tanea: përshtati në shqip Priza.al/
