Trupi i një burri u gjet në një valixhe në mes të sheshit Federico Sacco në Romë. Ngjarja e frikshme është denoncuar nga qytetarët e rastit pasi kanë vërejtur njollat e gjakut të cilat dilnin nga valixhja.
Policia mbërriti menjëherë në vendngjarje dhe gjeti valixhen e izoluar me ngjitëse të mbuluar nga gjaku. Pasi e hapën brenda saj gjetën mbetjet e trupit të një burri. Efektivët ndoqën gjurmët e gjakut në asfalt, derisa arritën në një apartament ku jetonte partnerja 39 vjeçare e të ndjerit. Gruaja u raportoi oficerëve se burri kishte vdekur në shtëpi para disa ditëve dhe në dëshminë e saj, kishte theksuar se për të i vetmi qëllim ishte të hiqte qafe trupin e tij. Ajo kishte dëshmuar se burri kishte vdekur të hënën nga një mbidozë droge, pasi të dy ishin të varur nga lëndët narkotike.
Viktima u identifikua nga policia si një italian 37-vjeçar. Policia ka mbetur e habitur për faktin, se si ka mundësi, që një grua aq e dobët, të transportonte trupin, që së paku peshonte 90 kilogramë.
/Burimi Ansa.it: përshtati në shqip Priza.al/
