Kandidati i PD për Tiranën, Belind Këlliçi ka mbetur pa parti.
Ndonëse jemi pak muaj larg zgjedhjeve për kryetar bashkie, Enkelejd Alibeaj ka përjashtuar nga grupi parlamentar i PD-së, Belind Këlliçin.
Me anë të një njoftimi për shtyp mësohet se motivacioni i përjashtimit të Këlliçit së bashku me 3 deputetë të tjerë është mos distancimi nga dhuna e ndodhur në selinë blu më 8 janar të vitit të shkuar.
Njoftim i Partisë Demokratike
Sot, më datë 10.01.2023, ka përfunduar afati 1 vjecar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu; Oerd Bylykbashi; Belind Këllici dhe Agron Shehaj. Në mungesë të aktit të distancimit, sipas vendimit nr.1 dhe nr. 1/1, datë 10.01.2022 të Kryesisë së Partisë dhe konfirmimit të Këshillit Kombëtar dhe Grupit Parlamentar të Partisë Demokratike në mbledhjen e datës 15.01.2022, nga sot hyn në fuqi masa e largimit zyrtarisht të tyre nga Grupi Parlamentar. Për këtë qëllim, është njoftuar zyrtarisht Kuvendi i Shqipërisë që deputetët Tritan Shehu; Oerd Bylykbashi; Belind Këllici dhe Agron Shehaj nuk janë më pjesë e Grupit Parlamentar të Partisë Demokratike duke filluar nga data 11.01.2023.
