Termometri do të shënojë temperatura minus në vendin tonë, duke nisur nga nesër. Duke nisur nga e premtja, vendi ynë do të jetë nën ndikim të kushteve atmosferike të qëndrueshme, por me temperatura të ulëta.
Gjithashtu, ajo që do të jetë prezente, është edhe mjegulla e dendur. Kryesisht mjegull do të ketë në orët e mëngjesit përgjatë luginave. Përgjatë akseve rrugore në zonat malore në orët e mëngjesit prezencë të akullit në rrugë.
Era do të fryjë me drejtim nga kuadrati i veriut me shpejtësi 1-7m/s, hera-herës në bregdet era fryn me shpejtësi deri në 12m/s. Valëzimi në det do të jetë i forcës 1-2 ballë. Temperaturat e ajrit pritet të jenë në zonat e ulëta -3 deri 14°C, ndërsa në zonat bregdetare 2 deri 13°C.
