Një faqe interneti për këshilla financiare po kërkon një çift që dëshiron të testojë forcën e lidhjes së tyre duke montuar së bashku mobiljet e firmës IKEA për 1000 dollarë.
FinanceBuzz tha se po kërkon një çift, të cilit do t’i jepeshin 1000 dollarë kredi në dyqanin IKEA për të blerë mobilje për dhomën e gjumit.
Më pas, çiftit do t’i kërkohet të mbledhë mobiljet së bashku dhe të dokumentojë përvojën.
“FinanceBuzz është në kërkim të një çifti të gatshëm për të vënë në provë lidhjen e tyre këtë periudhë Shën Valentini, duke montuar së bashku një komplet të tërë gjumi IKEA dhe duke dokumentuar përvojën”.
Çifti fitues do të shpërblehet me 1000 dollarë për përfundimin e detyrës. Aplikimet pranohen në faqen e internetit deri më 14 shkurt.
