Një 43-vjeçar në Vlorë ka aksidentuar me automjetin tip “Peugeot” një qytetar, i cili lëvizte me biçikletë. Mësohet se ai është arrestuar në flagrancë nga policia, ndërsa 62-vjeçari i aksidentuar ndodhet jashtë rrezikut për jetën.
“Specialistët e Qarkullimit Rrugor në DVP Vlorë arrestuan në flagrancë shtetasin K. G., 43 vjeç, banues në Vlorë, pasi ditën e djeshme, duke drejtuar automjetin tip “Peugeot”, ka aksidentuar shtetasin B. V., 62 vjeç, i cili lëvizte me biçikletë. Shtetasi B. V, ndodhet në spital, jashtë rrezikut për jetën”, thuhet në njoftimin e policisë.
Ndërkohë, materialet iu referuan prokurorisë, për veprime të mëtejshme.
