Një aksident është regjistruar mesditën e sotme në Bahaçallëk të Shkodrës. Një kamion me një eskavator të ngarkuar në të është përplasur me mbikalimin në lagjen ‘Bahçallëk’.
Fatmirësisht në momentin e shembjes, nuk ka patur në lëvizje automjete dhe as këmbësorë.
E gjithë pjesa metalike pas rënies ka zënë aksin rrugor që lidh Shkodrën me Lezhën. Në vendngjarje janë shërbimet e Policisë, shërbimet e zjarrfikëses dhe të Entit Pronar të Rrugës, të cilët po punojnë për hapjen e rrugës.
