Cristiano Ronaldo ka thyer më në fund mallkimin e tij në futbollin e Arabisë Saudite, pasi ka gjetur golin e parë në ndeshje zyrtare me fanelën e Al Nasri.
Sulmuesi portugez, edhe pse kishte luajtur dy ndeshje me fanelën e skuadrës së tij, në kampionat dhe Kupë, nuk ia kishte dalë të tundte rrjetën.
Ronaldo pati disa raste për të shënuar, por goli i kishte munguar. Një gjë e tillë mund të ndodhte edhe sot, teksa ai humbi disa raste të rëndësishme para portës së Al-Fateh. Por në fund, në ndihmë i erdhi një penallti, të cilën ai arriti ta transformonte në gol, në minutën e 93 të duelit, por vetëm për t’i siguruar një pikë skuadrës së tij në barazimin 2-2.
Barazimi mban Al Nasri në kreun e renditjes, por tashmë me pikë të barabarta me Al Shabab dhe me skuadra të tjera si Al Itihad dhe Al Taeuon që i janë afruar rrezikshëm ekipeve të kreut.
https://www.youtube.com/watch?v=78LfrGl90Sg
