Gjendja e urisë nuk është vetëm në dorën tuaj. Ndonjëherë e keni nga stresi, mërzitja apo edhe se nuk keni një regjim ushqimor të rregullt. Ju e ndjeni stomakun gjithmonë bosh dhe nuk i rezistoni dot tundimit për të ngrënë në çdo kohë të ditës.
Më poshtë do të gjeni disa motive të mundshme pse ndiheni të uritur edhe nëse sapo keni ngrënë drekë.
Hani pak fibra Një studim i publikuar në American Journal of Nutrition Clinical ka treguar se si fibrat, të lidhura me tretjen dhe zorrën, janë në gjendje të stimulojnë ndjenjën e ngopjes. Këto ushqyes, në fakt, rrisin nivelet e kolecistokininës, një hormon të sekretuar nga disa qeliza të vendosura përgjatë duodenit, që ndjejnë se truri është i plotë dhe se nuk është e nevojshme të vazhdosh të hash. Nëse oreksi është i vazhdueshëm dhe i papërmbajtshëm është e besueshme se dieta nuk ka sasinë e duhur të fibrave.
Flini pak Ka nga ata që nuk mund të bëjnë pa 8-9 orë gjumë, sikundër ka nga ata që ia dalin me 5-6 orë. Megjithatë, ata që i përkasin kategorisë së dytë duhet t’i kushtojnë vëmendje të veçantë: të fjeturit pak, madje edhe nëse trupi është mësuar mund të ndikojë në oreksin tuaj. Hulumtimet amerikane kanë treguar se mungesa e pushimit të natës i bën nivelet e ghrelin, hormon që dërgon sinjale urie në tru në gjendje alarmi dhe redukton në mënyrë të konsiderueshme ato të leptinit, që është hormoni i ngopjes. Prandaj, nëse oreksi vazhdon është e mundur që orët e rezervuara për gjumë të jenë vërtet shumë të pakta.
Merrni pak proteina Nëse jeni gjithmonë i uritur, edhe pse sapo keni ngrënë atëherë ka mundësi që të keni mungesë në proteina. Këto lëndë ushqyese, të cilat duhet të përbëjnë 10-15% të kërkesës ditore, vënë një ndalesë për urinë. Pas konsumimit të mishit (disa herë në javë, mundësisht të bardhë), në traktin gastrointestinal lëshohen dy hormone (kolecistokinin dhe PYY) që i komunikojnë trurit ndjenjën e ngopjes dhe zero oreks. Si rezultat, në prani të një urie të pandalshme do të ishte më mirë të rishikoheshin sasitë e proteinave.
Je i dehidratuar Ndonjëherë trupi këmbëngul nxitjen e etjes me atë të urisë. I gjithë faji është i hipotalamusit, një strukturë e sistemit nervor qendror në të cilin ndodhen qendrat e oreksit, etjes dhe ngopjes. Kur nuk pi aq sa duhet, mund të ndodhë që ky distrikt i trurit gabimisht të çojë sinjale jo dehidratimi, por urie, duke na bërë të ndiejmë nevojë (të padobishme) për të marrë ushqim.
Hani shpejt Truri ka nevojë për kohë për të kuptuar se stomaku është plot. Nëse hani shumë shpejt, nuk keni kohë për të regjistruar këtë informacion dhe vazhdoni të dërgoni impulsin për të marrë ushqim. Përkundrazi, nëse të paktën janë shpenzuar 20 minuta në një vakt, truri merr një ndjenjë të ngopjes dhe thotë se është e nevojshme të ndalet ngrënia.
