Skandali Mcgonigal ka shkundur themelet e shtetit, duke përfshirë gati të gjithë sferën politike kush më shumë e kush më pak. Përveç Kryeministrit Edi Rama, së fundmi në foto me ish-zyrtarin e lartë të FBI, Charles McGonigal, është zbuluar edhe kreu i PL Ilir Meta.
Në lidhje më këtë skandal të radhës është pyetur edhe kreu i selis blu gjatë konferencës për shtyp. Sali Berisha është shprehur se duhet të jap shpjegime vet Meta për këtë.
“Nëse është problemi është për të takuar opozita, opozita nuk ka patur asnjë pushtet dhe gjëra konkrete nuk i ka kërkuar dhe s’mund t’i kërkonte McGonigalit. Vijmë te Agron Neza, deri sa ka shpërthyer skandali për të gjithë ata që e kanë njohur, Neza ishte një shqiptaro amerikan që thuhet se u thoshte njerëzve jam i FBI.
Nëse Meta ka drekuar e darkuar me të nuk më çudit kjo. Ai ka patur një vëlla gazetar si ju. Ka qenë zëdhënës edhe te ne edhe te LSI, kështu që i ndjeri Agim Neza, ka qenë njeri me reputacion të mirë.
Nuk kam dëgjuar se ishte i implikuar. Nëse e ka takuar për çështje të tjera, atë e flet vetë Ilir Meta. Po të kish kërkuar takim te Sali Berisha mund ta kisha pritur. Kur më kanë thënë se ka dekluarar se jam marr më cështjen non grata të berishës me drejtorin tim nuk e kam besuar.” -u shpeh Berisha.
2 orë më vonë ILir Meta del në një konferencë për media dhe flet për çdo gjë, për Ramën, për popullin, për protestën por asnjë fjalë për foton ku tashmë kreu i PL del i përfshirë me ish- agjentin e FBI.
Deklarata e plotë:
Jam i bindur se populli do të jetë nesër në shesh për të kërkuar llogari.
Edi Rama më mirë se kushdo tjetër e ka shumë të qartë se llogaridhënies nuk i shmanget pasi populli i Shqipërisë nuk do të lejojë askënd të luajë me fatet e tij.
Fshehja e dëshperuar e Edi Ramës me javë të tëra dhe shmangja e llogaridhënies dhe transparencës përpara parlamentit me shpresën e mjerë se mund të kalojë situatën janë thjesht një iluzion i një të mbyturi që kapet pas fijes së barit.
Populli është vetëm ai që jep pushtet por edhe ja heq pushtetin atij, që e përdor vetëm për të grabitur paratë e popullit dhe për të shitur interesat e tij.
Populli i Shqipërisë jam i bindur se e ka marrë vendimin.
Ai s’mund të lejojë kurrë që Edi Rama të vazhdojë të trajtojë zyrën e kryeministrit si një çerdhe mafioze ku ndahen paratë dhe pasuritë kombëtare të shqiptarëve.
Populli s’mund të lejojë kurrë që zyra e kryeministrit të përdoret për korrupsion politik dhe financiar pa fre, në vend që duhet t’i jepte zgjidhje shqiptarëve për të luftuar varfërinë dhe papunësinë.
Populli s’mund të lejojë kurrë që zyra e kryeministrit të prodhojë vetëm mjerim, që shpopullon vendin duke larguar qindra mijëra shqiptarë dhe veçanërisht të rinjtë nga atdheu i tyre.
Populli ka vendosur që Edi Rama të largohet një orë e më parë si një mafioz tashmë i provuar edhe botërisht me fakte dhe si një i korruptuar që s’ka asnjë lidhje me postin dhe institucionin kushtetues të kryeministrit.
Edi Rama është tashmë vetëm një subjekt i merituar për drejtësinë për veprimet e tij shumë të rënda kundër kushtetutës, pluralizmit dhe demokracisë si dhe për grabitjen masive financiare me miliarda euro.
Edi Rama është sot i provuar me fakte si korruptuesi i Mc Gonigal, si grabitësi i qindra milionë euro me inceneratorët, i miliarda eurove tek Porti i Durrësit, tek koncesionet, tek qindra tenderat sekretë, si shkatërruesi i Teatrit dhe si koka e qindra aferave me energjine elekrike, ujesjellsësat, tjetërsimin e pronave të qytetarëve shqiptarë dhe gjithçka.
Edi Rama është sot shkaku kryesor i mjerimit të shumëanshëm të shqiptarëve të ndershem dhe punëtorë.
Edi Rama është përgjegjësi kryesor për shpopullimin e Shqipërise por dhe njëkohësisht për mbipopullimin e burgjeve të Shqipërisë.
Shqipëria dhe populli shqiptar janë këtu në mijëra vjet dhe këtu do të jenë në jetë të jetës dhe nuk do të lejojnë kurrë që një gjakprishur antishqiptar të trondisë ekzistencën e tyre.
Ndaj 11 shkurti do të jetë dita e vendimit mbarëpopullor për rivendosjen e llogaridhënies së rreptë dhe pa kompromis që vendos Shqipërinë dhe shqiptarët të parë përgjithmonë.
Nesër Shqipëria dhe shqiptarët vendosin dinjitetin e tyre në vend, dinjitet që nuk do të guxojë kush t’ua shkelë e nëpërkëmbë më, në të ardhmen.
Nesër populli flet dhe të gjithë duhet të dëgjojnë e ti binden vullnetit të tij.
