Nis zbatimi i planit të masave nga Policia e Shtetit për mbarëvatjen e protestës, ndërsa disa rrugë janë bllokuar ashtu siç ishte njoftuar që dje.
Përballë Kryeministrisë po vendosen punonjës të policisë, ndërsa nuk ka indicie për ndonjë skenar të mundshëm për dhunë.
Situata para Kryeministrisë është e qetë, ndërkohë më vonë pritet të vendoset edhe kordoni i policisë para kësaj godine shtetërore, e cila do të jetë edhe epiqendra e akuzave të protestës së sotme të opozitës./BW
