Nga aksionet e kazinove, te makinat luksoze dhe ullishtet, zbulohet lista e 34 pasurive që ju sekuestruan Ervis Martinajt

Pasuritë e Ervis Martinajt, “mbretit” të lojërave të fatit janë vënë nën sekuestro me vendim të Gjykatës së Posaçme.

Policia ka nisur operacionin për sekuestrimin e tyre që prej mëngjesit të sotëm. Bëhet fjalë për 34 pasuri të cilat janë në emër të Ervis Martinajt dhe familjarëve të tij.

Ndërkohë mësohet se janë sekuestruar edhe disa automjete, sipërfaqe toke në Kurbin dhe patok si edhe ndërtesa. Po ashtu janë vënë nën sekuestro disa llogari bankare në emër të fëmijëve të Martinajt. Operacioni po zhvillohet në Kurbin, Fushë-Milot, zonë në të cilën banojë familjarët e Martinajt, ndërkohë që ai vetë rezulton i zhdukur prej 6 muajsh.

Urdhri për sekuestro është firmosur nga kreu i SPAK, Altin Dumani, prokurori Behar Dibra dhe prokurorja Enkeleda Millonai. Hetimi po vijon nëse Martinaj ka pasuri të fshehura apo të regjistruara në emra të miqve të tij.

Lista e plotë të pasurive të sekuestruara të Ervis Martinajt:

1. Aksionet e KING KASINO ku aksioner është 100% Ervis Martinaj
2. 50 % të aksioneve të shoqërisë “ALBA TELECOMMUNICATION” në emër të Ervis Martinaj
3. Aksionet e shoqërisë “MATI UNION” ku aksioner është 100% Mustafa Martinaj
4. Aksionet e shoqërisë “MARTINAJ E.M” ku aksioner është 100% Mustafa Martinaj
5. Subjekti “Ervis Martinaj”
6. Shoqëria “REAL FENIX” ku aksionere është 100% Roberta Martinaj
7. Subjekti “Drenica Martinaj”
8. Subjekti “V.K”
9. Shoqëria “S.P.E Energy” shpk ku aksioner është 100% V.K
10. 21% e aksioneve dhe aseteve te shoqëria “S.P.E Gjadër” të zotëruara nga “S.P.E Energy”
11. shpk ku aksioner është 100% V.K
12. Një automjet Smart, modeli Passion në pronësi të Erjona Martinaj
13. Një automjet Land Rover, modeli Discovery në pronësi të Erjona Martinaj
14. Një automjet Mercedez-Benz, modeli GLK 350, në pronësi të Vasilika Martinaj
15. Një automjet Fiat, modeli Fiesta, në pronësi të Vasilika Martinaj
16. Një automjet BMW, modeli M 550, në pronësi të Vasilika Martinaj
17. Një pasuri me sip.82 m2 në lagjen “Pavarësia”, Vlorë në pronësi të Drenica Martinaj dhe një arë në Piqeras, Sarandë në pronësi të Ervis dhe Roberta Martinaj
18. Një njësi me sip. 137 m2 në pronësi të Vasilika Martinaj
19. Një ullishte me sip.9 800 m2, në Dobresh, Tiranë
20. Një arë 3 815 m2 në Fushëkuqe, Kurbin
21. Arë me sip.7 000 m2 në Patok
22. Arë në Fushëkuqe, Kurbin sip.12 145 m2
23. Arë në Patok, Kurbin me sip.1 973 m2
24. Arë në Patok, Kurbin me sip. 7050 m2
25. Arë dhe truall me sip.1 975 m2 në Fushë-Milot, Kurbin
26. Arë me sip.1. 632 m2 në Fushë-Milot, Kurbin
27. Truall dhe ndërtesë me sip.300 m2 në emër të Mustafa dhe Vasilika Martinaj
28. Arë me sip. 2. 543 m2 në Fushëkuqe, Kurbin
29. Arë dhe ndërtesë me sip.410 m2 në Fushëkuqe, Kurbin në emër të Mustafa dhe Vasilika Martinaj
30. Arë me sip. 120 m2 dhuruar nga Ervis Martinaj shtetases Bisere HatoTruall dhe ndërtesë 580 m2 dhuruar nga Ervis Martinaj shtetases Bisere Hato
31. Apartament në rrugën “Dervish Hima”, me sip.105 m2, dhuruar nga Ervis Martinaj shtetases Gelmona Tarja
32. Ullishte 2000 m2 në fshatin Gjilekë, Dhërmi
33. Pasuri aktualisht ne pronësi te shtetasit Fatmir Ahmet Vuthaj.
34. Llogari kursimi për fëmijë