Gjigantët e teknologjisë duke përfshirë Facebook, Google, Twitter dhe TikTok do të përballen me rregulla të reja të vendosura nga Bashkimi Evropian, të cilat konsistojnë në vendosjen e një kodi etik të sjelljes dhe kontrollin e përmbajtjes në këto platforma.
Siç raportojnë mediat e huaja, këto ndryshime vijnë si pasojë e shumë të rinjve që ndjekin rrjetet sociale dhe janë të predispozuar të shohin postime me përmbajtje që nuk i përkasin moshës së tyre, ndaj Bashkimi Evropian u ka kërkuar të gjithë pronarëve të këtyre platformave të deklarojnë përdoruesit e tyre.
Rregullat e reja, të njohura si Akti i Shërbimeve Dixhitale (DSA), klasifikojnë kompanitë me më shumë se 45 milionë përdorues si platforma shumë të mëdha në internet (VLOP) dhe u kërkojnë atyre të kryejnë menaxhim dhe auditim të jashtëm dhe të pavarur të rrezikut. Ata gjithashtu do të duhet të ndajnë të dhëna me autoritetet.
Komisioni Evropian u kishte dhënë platformave online dhe motorëve të kërkimit deri më 17 shkurt për të publikuar përdoruesit e tyre aktivë mujorë. Ata që etiketohen si VLOP kanë katër muaj kohë për të respektuar rregullat ose rrezikojnë gjoba. Twitter tha të enjten se kishte 100.9 milionë përdorues mesatarë mujorë në BE, bazuar në një vlerësim të 45 ditëve të fundit. Twitter tha se ka 100.9 milionë përdorues mujorë në BE, bazuar në një vlerësim të 45 ditëve të fundit.
Sa i përket Google, numri mujor i përdoruesve të regjistruar ishte 278.6 milion në Google Maps, 274.6 milion në Google Play, 332 milion në Google Search, 74.9 milion në Shopping dhe 401.7 milion në YouTube. Apple tha se App Store, i ndërtuar vetëm për iPhone-ët e saj, ka më shumë se 45 milionë përdorues në muaj dhe mund të konsiderohet një platformë shumë e madhe në internet. Kështu kompania do të zbatojë të njëjtat rregulla në App Store për iPad, kompjuterë Mac, Apple Watch dhe TV.
