Një automjet i tonazhit të rëndë tip cisternë gazi është përfshirë në një aksident në aksin e rrugës kombëtare Përrenjas-Librazhd. Aksidenti ka ndodhur në vendin e quajtur “Kthesat e Pishkashit” rreth orës 11:15.
Dyshohet se si pasojë e shpejtësisë dhe motit të lagësht, automjeti ka humbur drejtimin e lëvizjes duke dalë jashtë rruge.
Për pasojë është përmbysur dhe rrokullisur në greminë për disa metra. Fatmirësisht nuk ka shpërthyer depozita e ngarkesës me gaz. Burime nga vendngjarja bënë me dije se drejtuesi i mjetit ka mbetur i plagosur.
