Një aksident i rëndë ka ndodhur ditën e sotme në aksin rrugor Krumë-Kukës. Makina ka dalë nga rrugë dhe si pasojë ka humbur jetën një 61-vjeçare me incialet F.S. teksa bashkëshorti i saj ka mbetur i plagosur. Ky i fundit është dërguar në spital për të marrë ndihmën mjekësore.
Sipas policisë, aksidenti ka ndodhur në vendin e quajtur “Qaf Tobli”.
Njoftimi i policisë:
Has/Informacion paraprak
Më datë 25.02.2023, në aksin rrugor Krumë -Kukës, në vendin e quajtur “Qaf Tobli”, shtetasi Z. S., duke drejtuar automjetit tip “Volksëagen Passat”, ka humbur kontrollin mbi drejtimin e automjetit dhe automjeti ka dalë nga rruga.
Si pasojë e daljes nga rruga, ka humbur jetën bashkëshortja e tij, shtetasja F. S., 61 vjeçe, ndërsa drejtuesi i mjetit është dërguar në spitalin e Kukësit për ndihmë mjekësore.
Grupi hetimor po punon për zbardhjen e shkaqeve të aksidentit.
