Kryeministri i Kosovës, Albin Kurti zhvilloi ditën e sotme një bisedë telefonike me presidentin turk, Rexhep Taip Erdogan. Ata biseduan mbi ecurinë e dialogut për normalizimin e marrëdhënieve Kosovë-Serbi. Presidenti turk përshëndeti rezultatin e arritur pas takimit Kurti-Vuçiç.
“U bisedua edhe për takimin e fundit në Bruksel për normalizimin e marrëdhënieve ndërmjet Kosovës dhe Serbisë, për çfarë Presidenti Erdogan përshëndeti rezultatin e arritur, duke shprehur mbështetjen e tij kryeministrit Kurti dhe gatishmërinë për të ndihmuar”, thuhet në komunikatën e Qeverisë së Kosovës.
Kurti shprehu sërish ngushëllimet për familjarët e viktimave të tërmetit shkatërrimtar që tronditi Turqinë muajin e kaluar.
