Policia e Kosovës ka bërë të ditur se pasditen e djeshme një foshnjë ka humbur jetën gjatë lindjes në Spitalin e Pejës. Babai i foshnjës ka kallëzuar ngjarjen në polici dhe ka akuzuar bluzat e bardha për neglizhencë.
“Rr. Nënë Tereza, Pejë 08.03.2023 – 17:00. Ankuesi mashkull kosovar ka informuar se në Spitalin e Pejës gjatë lindjes, foshnja ka vdekur dhe sipas ankuesit (babai) dyshon që ka qenë neglizhencë e stafit mjekësor. Me vendim të prokurorit trupi i pa jetë i foshnjës është dërguar në IML për obduksion” – thuhet mes tjerash në njoftimin e Policisë.
