Komisioni Qendror i Zgjedhjeve ka miratuar listën e anëtarëve të KZAZ-së së Partisë Demokratike edhe pse selia blu nuk është regjistruar ende në zgjedhjet e 14 majit.
KQZ pranoi kërkesën e PD zyrtare ndonëse të dy palët brenda selisë blu kanë depozituar listat me anëtarë.
Ndërkohë, kanë mbetur më pak se 24 orë nga përfundimi i afatit që KQZ caktoi për dorëzimin e dokumentit të domosdoshëm për regjistrimin e PD-së në zgjedhje.
Kujtojmë se në mbledhjen e zhvilluar në 9 mars, gjatë shqyrtimit të kërkesave të grupimit të Berishës dhe të Alibeajt për t’u regjistruar në zgjedhje, KQZ vendosi të mos pranojë asnjërën.
