Një pikë kthese e bujshme në rastin e vajzës dymbëdhjetëvjeçare të vrarë në Gjermani, në Freudenberg . Vajza u vra nga dy vajza 12 dhe 13 vjeç . Këtë e bënë të ditur hetuesit në një konferencë për shtyp. Dy vajzat kanë pranuar krimin e kryer me plagë të shumta me thikë . Luise, ky është emri i viktimës, ishte zhdukur të shtunën teksa po kthehej nga shtëpia e një shoku. Ajo u gjet e vdekur në një pyll të dielën . Nuk dihen ende motivet e vrasjes .
Dy vajzat e njihnin viktimën. Florian Locker, i komisariatit të Koblenz-it, sqaroi se ata janë treguar si autorë të mundshëm të krimit pas kontradiktave të ndryshme që kanë dalë gjatë marrjes në pyetje, të kryera nën mbikëqyrjen psikologjike dhe në prani të prindërve të tyre. Dy vajzat e pranuan përfundimisht vrasjen dhe deklaratat e tyre u vërtetuan nga disa prova. Autoritetet shpjeguan se, duke pasur parasysh moshën e dy vajzave të reja, nuk mund të jepeshin detaje të mëtejshme për mënyrën e vrasjes. Kërkimet edhe për armën e vrasjes vazhdojnë.
