Kurti së bashku me krerët e lartë shtetërorë nderuan ushtarët e rënë të NATO-së. Në një prononcim për media, kryeministri Kurti tha se në këtë datë Kosova kremton paqen, çlirimin dhe lirinë e vendit.
Ndër të tjera, ai tha se të gjithë ato gra dhe burra të cilët sakrifikuan dhe dhanë jetën ndodhen në themelet e pavarësisë së Kosovës.
“Në qershorin e vitit 1999 kishim zjarr në qiell e në tokë, por më 12 qershor këmbësoria që NATO i bashkohet ndërhyrjes nga ajri kundër Milloshevicit për ta ndal gjenocidin kundër popullit shqiptarë. Më 12 qershor ne kremtojmë paqen, çlirimin dhe lirinë dhe këtë ia përkujtojmë vetes për çdo ditë sepse të gjitha ato gra e burra të cilët sakrifikuan dhe dhanë jetën ndodhen në themelet e pavarësisë tonë të cilën duhet ta shpiem më tej me drejtësi dhe demokraci”, ka thënë Kurti.
/Priza.al/
